॥ अथस्वस्ति प्रार्थना मन्त्राऽध्यायः ॥

हरिः ॐ स्वस्ति नऽइन्द्रो वृद्धश्रवाः स्वस्ति नः पूषा विश्ववेदाः।

 स्वस्ति नस्तार्थ्यो। ऽअरिष्टनेमिः स्वस्ति नो बृहस्पतिर्दधातु ॥१ ॥

ॐ पयः पृथिव्यां पयऽओधीषु पयो दिव्यन्तरिक्षे पयोधाः।

 पयस्वतीः प्रदिशः सन्तुमह्यम् ॥२ ॥

ॐ विष्णोरराटमसि विष्णोः श्रप्त्रेस्त्थो विष्णोः स्यूरसि विष्णोध्रुवोऽसि। 

वैष्णवमसि विष्णवे त्वा ॥३ ॥

ॐ अग्निर्देवता वातो देवता सूर्यो देवता चन्द्रमा देवता वसवो देवता रुद्रा देवताऽऽदित्या देवता मरुतो देवता विश्वेदेवा देवता बृहस्पतिर्देवतेन्द्रो देवता वरुणो देवता ॥४॥

ॐ सद्यो जातं प्रपद्यामि सद्यो जाताय वै नमो नमः। भवे भवेनाति भवेभवस्व मां भवोद्भवाय नमः ॥५॥

वामदेवाय नमो ज्येष्ठाय नमः श्रेष्ठाय नमो रुद्राय नमः। कालाय नमः कलविकरणाय नमो बलविकरणाय नमः ॥६ ॥

बलाय नमो बलप्रमथनाय नमः सर्वभूतदमनाय नमो मनोन्मनाय नमः ॥७॥

अघोरेभ्योथ घोरेभ्यो घोरघोरतरेभ्यः ।

 सर्वेभ्यः सर्वशर्वेभ्यो नमस्तेऽअस्तु रुद्ररूपेभ्यः ॥८ ॥

तस्पुरुषाय विद्महे महादेवाय धीमहि । तन्नो रुद्रः प्रचोदयात् ॥९ ॥

ईशानः सर्व-विद्यानामीश्वरः सर्वभूतानाम्। 

ब्रह्माधिपतिर्ब्रह्मणोऽधिपतिर्ब्रह्मा शिवो मे ऽअस्तु सदा शिवोम् ॥१० ॥

ॐ शिवो नामासि स्वधितिस्ते पितानमस्तेऽअस्तु मामाहि ठं सीः। 

निवर्त्तयाम्यायुषेन्नाद्याय

प्रजननाय रायस्पोषाय सुप्रजास्त्वाय सुवीर्याय ॥११॥

ॐ विश्वानि देव सवितर्दुरितानि परासुव।

 यद् भद्रं तन्त्र आसुव ॥१२॥

ॐ द्यौः शान्तिरन्तरिक्ष ठं शान्तिः पृथिवी शान्तिरापः शान्तिरोषधयः शान्तिः । वनस्पतयः शान्तिर्विश्वेदेवाः शान्तिर्ब्रह्मशान्तिः सर्व ठ शान्तिः शान्तिरेव शान्तिः सा मा शान्तिरेधि ॥१३॥

ॐ सर्वेषां वा एष वेदानां रसो यत्साम सर्वेषामेवैनमेतद्वेदाना रसेनाभिषिञ्चति ॥१४॥

ॐ शान्तिः शान्तिः सुशान्तिर्भवतु सर्वारिष्ट शान्तिर्भवतु। अनेन रुद्राभिषेक कर्मणा कृतेन श्रीभगवन्भवानीशंकर महारुद्रः प्रीयतां न मम ॥ ॐ सदा शिवार्पणमस्तु ॥१५ ॥

॥ इति स्वस्ति प्रार्थनामन्त्राऽध्यायः ॥

॥ इति रुद्राध्याय सम्पूर्णम् ॥